Dangerous English Medicines

மேகற்கத்திய வல்லரசு நாடுகளில் தோன்றிய ‘Allopathy’ என்னும் ஆங்கில வைத்தியம் அசுர வளர்ச்சி பெற்று… உலக நாடுகளின் சகல பாரம்பரிய வைத்தியங்களையும் தூக்கி வீசிவிட்டு மருத்துவ உலகில் முழு ஆதிக்கம் செலுத்தும் ஆபத்தான வைத்தியமாக வளர்ந்துள்ளது.

20 ஆண்டுகள் வாயைக் கட்டி வயிற்றைக்கட்டி சாமானிய மக்கள் சம்பாதித்த பணத்தை ஏதோ ஒரு நோயின் பெயரைச் சொல்லி முப்பதே நாட்களில் கொள்ளை அடிக்கும் வகையில் திட்டமிடப்பட்ட அபாயகரமான வைத்தியமாக இது உள்ளது. இந்த வைத்தியம் தான் அறிவியல் பூர்வமாக நிரூபிக்கப்பட்ட வைத்தியம் என்பதுபோல் ஒரு மாயை தோற்றுவிக்கப்பட்டுள்ளது.

இந்த வைத்தியத்தைப் படிப்பதற்கும் மிகப்பெரிய தொகையை முதலீடு செய்யும் வகையில் இது வடிவமைக்கப்பட்டுள்ளது.

இந்த ஆங்கில வைத்திய நிலையங்களில் பயன்படுத்தப்படும் அத்தனை விலை உயர்ந்த கருவிகளும் மேற்கத்திய நாடுகளில் இருந்து இறக்குமதி செய்யப்படுகின்றன. இவர்கள் தரும் அத்தனை ஆங்கில மருந்துகளும் மேற்கத்திய நாடுகளில் உற்பத்தி செய்யப்படுகின்றது.

எனவே, இந்த வைத்தியத்தின் வழியே மக்களிடம் கொள்ளை அடிக்கப்படும் பணம் முழுவதும் அந்த நாடுகளுக்கே சென்று சேர்கின்றது. எனவே, ஆதிக்க சக்திகளின் கையில் உள்ள இந்த வைத்தியத்தை 99% தவிர்ப்பது நல்லது.

மூன்றே மூன்று இக்கட்டான சந்தர்ப்பங்களில் மட்டுமே இந்த வைத்தியத்தை அணுகலாம்.

i. திடீரென்று ஏற்படும் விபத்துக்களின்போது முதலுதவி செய்வதற்காக அணுகலாம்.

ii. நம் கவனக்குறைவால் ஏதேனும் ஒரு நோய் உடம்புக்குள் வளர்ந்து உபாதை செய்தால் ஆய்வுகள் மூலம் அந்த நோயின் தன்மையையும் அளவையும் தெரிந்துகொள்ள இந்த மருத்துவத்தை அணுகலாம்.

iii. புற்று நோய்க் கட்டிகள்போல் ஏதேனும் ஒரு நோய் வளர்ந்து அறுவை சிகிச்சை இன்றி மற்ற மருத்துவத்தால் கரைக்க முடியாத நிலையை அடைந்திருந்தால் அறுவை சிகிச்சை மூலம் அவற்றை அகற்றுவதற்கு ஆங்கில வைத்தியத்தை அணுகலாம்.

இந்த மூன்று சூழ்நிலைகள் தவிர மற்ற நேரங்களில் இந்த மருத்துவத்தை அணுகுவது ஆபத்து.. ஆபத்து.. ஆபத்து!!!

உலக மருத்துவர்களின் பொதுவான அணுகுமுறைகள்

உடலை மட்டும் ஆராய்ச்சி செய்து, இரசாயன மருந்துகள் மூலம் தற்காலிக நிவாரணம் தருவது ஆங்கில மருத்துவம்.

உடலையும் உயிரோட்டத்தையும் ஆராய்ச்சி செய்து மருத்துவம் செய்வது மருந்தில்லா மருத்துவ முறைகள் மற்றும் சித்த, ஆயுர்வேத, யுனானி, நாட்டு வைத்திய, பாட்டி வைத்திய முறைகள்.

இயற்கை உணவு, உபவாசம், யோகா மற்றும் பல்வேறு குளியல்கள் மூலம் உடலைத்தூய்மை செய்து உயிர்ச்சக்தியை ஊக்கப் படுத்தி நோயை விரட்டுவதே இயற்கை வைத்திய முறைகள்.

உடல் உபாதை, உயிர் ஓட்டம், மன உணர்வுகள் என்னும் மூன்றையும் ஆராய்ச்சி செய்து இனிக்கின்ற மருந்துகளால் நோயை விரட்டும் எளிய மருத்துவமே ஹோமியோபதி மருத்துவம்.

தான தர்மம், திருக்கோவில் வழிபாடு, கர்மவினை நீக்கும் பரிகாரங் கள் மூலம் நோயை குணப்படுத்துவது ‘கர்மவினை மருத்துவம்’

யோகா, தியானம், தவம் என்னும் மூன்றின் வழியே சித்தத்தைத் தூய்மைப்படுத்தி நோயை விரட்டும் தலைசிறந்த மருத்துவமே ‘ஆன்மீக மருத்துவம்’. இருப்பவற்றுள் உயர்ந்த மருத்துவம் இதுவே என்பது மகான் பதஞ்சலி முனிவர் வாக்கு. ‘Meditation is the top most Medication.’